SUBVENCIONES PARA PYMES DE NOVA CREACIÓN
25/05/2017 11:19:00
A Xunta impulsa o emprego autónomo cunha liña de axudas de dous millóns de euros para as pequenas empresas de nova creación
A secretaria xeral de Emprego, Covadonga Toca, visitou hoxe en Santiago a sede da axencia de viaxes online Galiwonders, onde avanzou que o DOG publica mañá estes apoios dirixidos a firmas promovidas como máximo por cinco persoas.
A iniciativa inclúe axudas á xeración de emprego estable de ata 8.000 euros, á formación, ao inicio da actividade con contías máximas de ata 6.000 euros, e para a conciliación da vida persoal, laboral e familiar
O período que se financia abarca o inicio de actividade entre o 1 de outubro de 2016 e o 31 de xullo de 2017 tendo especial atención as iniciativas que se implanten no rural, que xeren emprego a mulleres, persoas con discapacidade ou en risco de exclusión e a aquelas pertencentes a unidades familiares con todos os seus membros en paro
A actuación enmárcase na Estratexia Autónomo 2020 a través da que a Xunta destina 40 millóns ao ano para que Galicia sexa o mellor espazo para emprender